Gschicht drhinter

Im Joor 2002 het sich z Dornach d Guggemusig Ruinenarre gründet. Scho gli händ sie am Portiunkeli (e grosses und glatts 3 tägigs Dorffest/-märt in Dornach) e Stand gmacht. Erst isch das ganze grad näbem offizielle Märtareal gse.
Wo denn im 2013 s Rest. Hacienda zuegange isch, händ d Ruinenarre d Möglichkeit becho, ihre Stand grad dört vorne dra z mache. Hän sie au. S Potential vo däm Standort isch so gross gse, dass die zwei 6x3m Zält ned glängt händ.
Da sie dr Stand weder verlängere no verbreiter händ chönne, händ sie halt ind Höchi baue müesse. Und so isch unsere Suffidee dr ersti DOPPELSTOECKER entstande. Scho sehr professionel het e kleins Team vo 3 Maa alles zueschriineret und dä Bau im 2014 s erste Mol dr Öffentlichkeit dörfe präsentiere. Im Joor druf hän sie denn au s Gländer no schön gmacht. Das mit de EURO-Palette het zwar verhabe, isch aber miehsam und wüescht gse.

Siit denn händ d Ruinenarre unzähligi Mietafroge für dr DOPPELSTOECKER müesse ablehne, denn zum Uf- und Abbaue bruchts jewiels en Tag mit 3 "gschuelte" Lüüt.

Somit isch au klar, was denn die nächsti Idee nach es paar Bierli z viil gse isch: "Chumm, mer mache das Ding fahrbar..."

Im 2016 hän mir das Projekt gstartet, händ dr DOPPELSTOECKER vo dr Ruinenarre usgliederet und im März 2017 mit de Arbeite begonne. Im August 2017 sin mir fertig worde.

Mit mir meini:
- Benjamin "Beni" Jutzi - Schriiner und Ikäufer
- Stephan "Chäfer" Baldt - Schlosser und Stromer
- Thomas "Vögi" Voegtli - Schlosser und Chefgrilleur
- Björn "Hansjögge" Fleury - Handlanger und gueti Seel
- Daniel "Gassi" Gasser - Techniker und Kassier
- Oliver "Oli" Zältner - Moler und Stimmigsmacher